Çexiyanın eks-prezidenti maskaya görə yenidən cərimələndi
29-01-2021, 06:52
Çexiyanın keçmiş prezidenti Vatslav Klaus Praqanın gigiyena şöbəsi tərəfindən 10 min kron məbləğində (790 manat - red.) cərimə edilib.
Bu barədə "RİA Novosti" xəbər verir.
Qeyd olunub ki, sabiq prezident tədbirdə tibbi maskadan istifadə etməyib.
Xatırladaq ki, Vatslav Klaus ötən ilin noyabrın 17-də paytaxt Praqada keçirilən “Məxməri inqilab”ın 31-ci ildönümünə həsr edilən xatirə mərasimində polisin maska taxmaqla bağlı tələbini yerinə yetirməkdən imtina edib və 3 min kron (195 manat - red.) cərimələnib.
Çexiyanın ikinci prezidenti Vatslav Klaus 1941-ci ilin iyunun 19-da Praqada anadan olub. O, 2003-2013-cü illərdə Çexiya prezidenti olub.
