Rusiyanın ən iri desant gəmilərindən birinin komandiri Ukraynada öldürülüb

19-04-2022, 00:02           
Rusiyanın ən iri desant gəmilərindən birinin komandiri Ukraynada öldürülüb
Rusiyanın Qara dəniz donanmasına məxsus ən iri desant gəmilərindən biri olan “Sezar Kunikov”un komandiri, üçüncü dərəcəli kapitan Aleksandr Çirva Ukraynada müharibə zamanı ölüb.

"Report" xəbər verir ki, bu barədə Sevastopol vilayətinin qubernatoru Mixail Razvojaev teleqram kanalında məlumat verib.

Onun sözlərinə görə, A.Çirva döyüşlər zamanı gəminin ekipaj üzvlərinin həyatını xilas etməyə nail olsa da, özü ağır yaralanıb. Komandir aprelin 18-də Sevastopolda dəfn edilib.

Qeyd edək ki, Ukrayna Silahlı Qüvvələri martın 29-da Berdyansk limanında Rusiyaya məxsus "Saratov" desant gəmisini məhv edib. Həmin vaxt daha iki iri desant gəmisi - “Novoçerkassk” və “Sezar Kunikov”un da zədələndiyi bildirilirdi. Məhz A.Çirvanın da həmin vaxt ağır yaralandığı ehtimal olunur.

Xatırladaq ki, A.Çirva Sevastopol şəhərində anadan olub. O, 2015 və 2016-cı illərdə Suriya döyüşlərində də iştirak edib.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru