Ermənistan körfəz ərəb ölkəsi olan Qətərdə öz səfirliyini açacaq.
Azvision.az xəbər verir ki, bu barədə qərar Ermənistan parlamentinin bugünkü iclasında qəbul olunub. Səfirliyin binası Qətərin paytaxtı Dohada yerləşəcək.

Qeyd olunur ki, Ermənistanın Dohada diplomatik missisiyasını açacağı təqdirdə, Qətər höluməti də adekvatlıq prinsipi üzrə İrəvanda səfirlik açacağını bildirib.

Ermənistanın Qətərdəki səfirliyinin saxlanılması üçün İrəvan illik 193 min ABŞ dolları xərc çəkməlidir. Lakin rəsmi Doha yaxın 3 il ərzində həmin illik xərclərin 110 min dollarını öz boynuna götürüb. Qətər həmçinin, Ermənistan səfiri üçün iqamətgah və iki avtomobil də təqdim etməyə hazır olduğunu deyib.