Əfqanıstan siyasətçiləri ilə Taliban nümayəndələri arasında Moskvada keçirilən konfrans sona çatıb.

Axar.az xəbər verir ki, konfransın sonunda Taliban liderlərinin beynəlxalq aləmdə "qara siyahı"dan çıxarılması barədə bəyanat səsləndirilib.

Taliban tərəfindən ölkədə davamlı bir sülhün təmin olunması üçün tərəflərə ünvanlanan müraciət bəyanatında qeyd edilir ki, əfqan cəmiyyətləri arasında məsləhətləşmələrin davam etdirilməsi, ABŞ ilə Taliban arasında danışıqlara dəstək təmin olunması və digər ölkələrin Əfqanıstana müdaxilə etməməsi barədə razılıq əldə edilib.