“Berlində törədilən Yeni il cinayətlərinin ən azı yarısının üstü çevik üsulla açıla bilərdi, lakin bu baş vermir. Çünki Almaniyada cinayət hüququ düzgün işləmir”.

Bunu yetkinlik yaşına çatmayanların işləri üzrə hakim Andreas Müller bildirib.

Berlin meri Fransiska Qiffinin Almaniyanın paytaxtında Yeni il iğtişaşlarına görə məsuliyyət daşıyanların tez bir zamanda cəzalandırılmasının zəruriliyi ilə bağlı açıqlamalarını isə Müller siyasi fəallıq adlandırıb.

Hakim iddia edir ki, Almaniyanın prosedurları sadələşdirmək üçün insan resurslarına ehtiyacı var.

“Siyasətçilər, polis və məhkəmə sədrləri, prokurorlar yetkinlik yaşına çatmayanlara dair cinayət qanunvericiliyini və onun icrasını əsas prioritet hesab etməlidirlər. Əvəzində Berlində ictimaiyyəti cəlb edən dəyirmi masalar keçirilir, lakin bunlar məqsədyönlü deyil və hər şey olduğu kimi qalır”, - Müller vurğulayıb.

Hakim qeyd edir ki, iş məhkəməyə çatmazdan əvvəl çox vaxt bir neçə ay polisdə, sonra isə prokurorluqda qalır.

“Mən özüm bəzi prosedurları yalnız bir ildən çox, hətta daha uzun müddət sonra həyata keçirə bilirəm və buna görə utanıram. Almaniyada cinayət hüququ artıq işləmir, çünki o, məhv edilib və siyasi mübahisələrdə alətə çevrilib”, - Müller yekunlaşdırıb.

Mənbə: rossaprimavera.ru