Vitali Sarantsev bildirib ki, ruslar hücum üçün ən yaxşı zamanın nə vaxt olduğuna qərar vermək məqsədilə kəşfiyyat bölmələri göndərirlər.
Ukrayna Rusiyanın Xarkov istiqamətində mümkün hücumlarından narahatdır. Bunu Ukrayna Silahlı Qüvvələrinin (USQ) Xarkovdakı əməliyyat-taktiki qrupunun nümayəndəsi Vitali Sarantsev "El Pais"ə müsahibəsində deyib.
"Onlar hücum üçün ən əlverişli vaxtın nə vaxt olduğuna qərar vermək məqsədilə kəşfiyyat bölmələri göndərirlər", Sarantsev qeyd edib.
USQ-nin Xarkovdakı əməliyyat-taktiki qrupunun nümayəndəsi indiki vəziyyəti may ayında Rusiya Silahlı Qüvvələrinin Vovçansk və Qlibokeni ələ keçirdiyi vaxtla müqayisə edir. O xatırladıb ki, NATO və onun müttəfiqləri Ukraynaya verdikləri silahlarla Rusiya ərazisinə zərbələr endirməyi qadağan ediblər.
Sarantsev bildirib ki, Xarkov sakinləri smartfonlarda hava hücumu həyəcanı barədə bildirişləri söndürməyə başlayıblar.
Avqustun 2-də gün ərzində 33 dəfə siqnal səslənsə də, xəbərdarlıqlar demək olar ki, zərbələrə çevrilməyib.
Bu yaxınlarda gizli siyasi iş aparan Lebedev Rusiya Silahlı Qüvvələrinin Xarkov vilayətində bir qrup döyüşçünü və silah-sursat anbarını məhv etdiyini bildirib.