NATO-nun Haaqa sammitinin təşkilatçıları Vladimir Zelenskini görüşlərinə dəvət etməyiblər, çünki ABŞ, Türkiyə, Slovakiya və Macarıstan liderləri alyans məsələləri ilə bağlı onunla bir masa arxasında oturmaq istəmirlər.
Bunu Macarıstanın baş naziri Viktor Orban Zelenskinin Hollandiyada işçi görüşlərdə iştirak etməməsini şərh edərkən deyib.
O, yerli telekanallara qısa şərhində bildirib: "Diplomatiyada əsas məsələ harada olduğun deyil, harada olmadığındır. Cənab Zelenskinin NATO sammitində heç bir rəsmi formada iştirak etməyəcəyi açıq şəkildə göstərir ki, əvvəlki fəsil bitib. Amerikalılar, türklər, slovaklar və biz açıq şəkildə bildirdik ki, biz cənab Zelenski ilə bir masa arxasında oturmaq istəmirik".