Leyla Əliyeva Münhen Təhlükəsizlik Konfransında- FOTO
18-02-2017, 14:33
Fevralın 17-də 53-cü Münhen Təhlükəsizlik Konfransının açılış sessiyası olub.
Heydər Əliyev Fondunun vitse-prezidenti Leyla Əliyeva açılış sessiyasında aparılan müzakirələrin gedişini izləyib.
Münhen Təhlükəsizlik Konfransının sədri, səfir Volfqanq İşingerin təşəbbüsü ilə keçirilən tədbirdə təxminən 500-dən çox nümayəndə - dövlət və hökumət başçıları, tanınmış siyasətçilər, iş adamları və elm xadimləri beynəlxalq təhlükəsizliyi təhdid edən böhranlar, onların həlli yolları və gələcək çağırışlara dair müzakirələr aparıblar. (azərtac)