Vaşinqton Tehranı diz çökdürərək Rusiyanı tamamilə mühasirəyə almaq istəyir.

Teref.az Axar.az-a istinadən xəbər verir ki, bu sözləri rusiyalı siyasi ekspert Leonid Krutakov deyib.

“Bu gün dünyada neft və qaz istehsal edən 3 ən böyük mərkəz Rusiya, İran və Səudiyyə Ərəbistanıdır. Hazırda qlobal struktur yaratmağa çalışan ABŞ bu mərkəzlərdən sadəcə birini nəzarətdə saxlayır. Rusiya və İran arasında inkişaf edən əlaqələri ABŞ qəbul edə bilmir. Bu səbəbdən hazırki hədəf İranın müqavimətini qırmaq və neft yataqlarını ələ keçirməkdir. Bundan sonra Vaşinqton Rusiyanı sanksiyalarla tamamilə mühasirəyə ala biləcək və bazarda çatışmayan miqdarı İranın hesabına qapada biləcək”, - deyə ekspert bildirib.