Məmurun faizə pul verməsi ilə bağlı çəkişmə davam edir.

TİA.AZ xəbər verir ki, Nəsimi rayon Məhkəməsində hakim Pərviz Hüseynovun icraatında olan mülkü işlə bağlı proses oktyabrın 9-na təyin edilib.
İddiaçı qismində Məhkəmə Tibbi Ekspertiza və Patoloji Anatomiya Mərkəzinin işçisi Səmədova Ceyran Adilxan qızı çıxış edir. O, orta məktəbdə müəllimə işləyən xalası qızı - Məmmədova Kamilə adlı şəxsə qarşı borc pul iddiası qaldırıb.
Cavabdeh tərəf isə bildirir ki, o, Ceyran və onun tibb bacısı işləyən Xanım adlı bacısından faizə pul götürərək iş yoldaşı Abbasova Rəfiqə Nadir qızına verib.
Sözügedən xanım azinforum.az-a açıqlamasında həmin bacılardan faizə pul götürdüyünü təsdiqləyib. Bildirib ki, həmin pul artıqlaması ilə bacılara qaytarılıb. Məhkəmə baxışı zamanı müəyyən olunub ki, iddiaçı tərəf pulu heç bir rəsmi sənədləşmə aparılmadan verib.
Məlumata görə Pərviz Abdullayevin sədrliyi ilə oktyabrın 6-da keçirilən prosesdə tərəflər arasında ciddi qarşıdurma yaşanıb. Cavadeh Məmmədova Kamilənin nümayəndəsi kimi prosesə qatılan həyat yoldaşı ilə Ceyran Səmədova arasında yaşanan söz “atışması” hakim tərəfindən sakitləşdirilib.
Məmmədova Kamilənin verdiyi məlumata görə, prosesdən sonra, Ceyran və onun anası Kamilə xanımın valideynlərinin Biləcəridəki evinə gedərək, cığır- bağır salıblar:
“Onlar mənim valideynlərimi narahat edir. Məhz belə təzyiqlərdən sonra mənim atam ağır infarkt keçirdi. Yenə əl çəkmirlər. Əgər onlar bütün qohumluq əlaqələrini nəzərə almayıb məni şərləmək yolunu tuturlarsa, nə üzlə bizim evimizə gəlirlər? Anam onların qorxusundan gəlib bizim evə sığınıb. Eyni zamanda, faizə pul verən bacılardan birinin – Xanımın əslən naxçıvanlı olan həyat yoldaşı mənim həyat yoldaşıma zəng edərək onunla görüşməyi tələb edir. Biz bu sələmçilərin əlindən bezmişik. Bütün vasitələrlə ailəmizə təzyiq etməyə çalışırlar. Ceyran işlədiyi yerə güvənərək, hər dəqiqə Şakir Musayevin adından istifadə edir. Hətta Məhkəmə prosesində hakimə “kolleqa” deyə müraciət edir. Biz əminik ki, Şakir müəllimin işçisinin bu sayaq əməllərindən xəbəri yoxdur. Artıq bu bacıların bizə qarşı etdikləri əməllərlə bağlı hüquq-mühafizə orqanlarına müraciət etmək qərarına gəlmişik”.
TEREF.İNFO