«Bir sıra dövlət qurumlarında ixtisarlar gözlənilir», Bunu DİA.AZ-a deyən hökumətdəki mötəbər mənbə bildirir ki, konkret olaraq Nazirlər Kabinetinin özündə də belə bir prosesin - ixtisarların həyata keçirilməsi nəzərdə tutulub.

Məlumatlı mənbə bildirir ki, konkret olaraq 10-dan artıq vəzifəli şəxsin postunun ləğv edilməsi gözlənilir. Mənbənin DİA.AZ-a söylədikləri: «Bu gjün NK-da elə qurumlar var ki, əslində həmin ştatlar təkrar-ştatlar hesab olunur və əvvəlindən onların ləğvi nəzərdə tutulurdu. Amma müəyyən səbəblərdən belə bir addım atılmayıb».

İndi artıq belə bir zərurətin yetişdiyini deyən bilgili qaynaq dia.az-a açıqlamasında iddia edir ki, nəzərdə tutulan ixtisarlar nəticəsində təkcə rəsmi dövlət büdcəsinə hər ay 20 min manatlıq vəsaitin qənaət olunması gözlənilir: «Deməli, ixtisara düşənlər də vəzifəli xəşslər olacaq. Əslində onların demək olar ki, müəyyən bir hissəsi başqa vəzifələrdə də təmsil olunduqlarından bu ixtisarların kiminsə ailəsini dolanışıq yerindən edəcəyini söyləmək doğru deyil».