Türkiyə ordusu İraqın şimalında PKK terrorçularını zərərsizləşdirib.

"Report" "Anadolu" agentliyinə istinadən xəbər verir ki, bu barədə ölkənin Milli Müdafiə Nazirliyi məlumat yayıb.

Qeyd edilir ki, əməliyyat Türkiyə kəşfiyyatı ilə əlaqələndirilib. Ölkə hərbçiləri terrorçuların İraqdakı mövqelərinə zərbələr endirib. Əməliyyat zamanı PKK-nın 2 terrorçusu zərərsizləşdirilib.

Xatırladaq i, PKK terrorçuları 1984-cü ildən vəziyyətin sabitliyini pozmaq və Türkiyəni parçalamaq üçün bu ölkənin ayrı-ayrı yerlərində çoxlu sayda terror aktları həyata keçiriblər. ABŞ və Avropa İttifaqı PKK-ı terror təşkilatları siyahısına salıblar.