İraqda və Suriyada İŞİD terrorçularının mövqelərini bombalayan ABŞ-ın B-1B Lancer səsdən sürətli bombardmançı təyyarələri bu ölkələrin ərazilərindən çıxarılır.

Virtualaz.org saytı Military.com saytının ABŞ Silahlı Qüvvələrinin Mərkəzi komandanlığının (CENTCOM) tərkibində HHQ əməliyyatlarına cavabdeh general-leytenant Çarlz Braunun sözlərinə istinadən verdiyi məlumata əsasən xəbər verir ki, B-1B Lancer bombardmançıları bir müddət İŞİD-ə qarşı mübarizədə iştirak etməyəcəklər. Braun dəqiqləşdirib ki, təyyarələr pilotların kabinalarında modernləşdirmə işlərinin aparılması üçün ABŞ-a qayıdacaqlar.

“Biz B-1B Lancer təyyarələrini əməliyyatlardan çıxarılrıq, lakin başqa güclü təyyarələrimiz də var. Ola bilsin ki, operativlikdə itirəcəyik, amma biz hadisələrin belə gedişinə hazırlaşmışdıq”, - general-leytenant belə deyib.