Türkiyə prezidenti Rəcəb Tayyib Ərdoğan ölkəsinin Suriyaya girə biləcəyinə işarə vurub.

Avropa.info xəbər verir ki, Ərdoğan UNESCO-nun Qaziantepdə keçirilən toplantısında çıxış edib. Türkiyə prezidenti Suriya ərazisində yerləşən PKK-nın Suriya qolu PYD/YPG-ni bombardımana davam edəcəklərini bildirib.

"Biz özümüzü qanuni şəkildə müdafiə edirik . Heç kim bunu maneə törədə bilməz. Hər yerdə lazım bildiyimiz əməliyyatı həyata keçirmə səlahiyyətimiz var. Heç bir məzlumun canı Qərb ölkələrində ölənlərin canından daha az qiymətli deyil. Özümüzü müdafiə mövzusunda qarşımıza kim çıxarsa çıxsın onu məhv edəcəyik" deyə Ərdoğan qeyd edib.