Türkiyənin yenilənmiş milli təhlükəsizlik strategiyası bu ilin sonuna qədər təsdiq üçün təqdim olunacaq.

İqtisadiyyat.az xəbər verir ki, bu barədə "TRT" telekanalı məlumat yayıb.

Məlumata görə, Türkiyə prezidenti Rəcəb Tayyib Ərdoğan fevral ayında yeni beynəlxalq çağırışlar və təhdidləri nəzərə alaraq milli təhlükəsizlik strategiyasının yenilənməsi barədə göstəriş verib.

Sonuncu dəfə ona əsaslı dəyişikliklər 2019-cu ilin sentyabrında edilib.

“Qırmızı Kitab” kimi tanınan Milli Təhlükəsizlik Siyasəti Sənədi dövlətin daxili və xarici siyasətinə təsir edən siyasi, hərbi və iqtisadi amilləri müəyyən edir, milli təhlükəsizliyin təmin edilməsinin prioritetlərini, məqsəd və üsullarını müəyyən edir.