Türkiyənin Cümhuriyyət Xalq Partiyasının (CHP) sədri Özgür Özəl İstanbul şəhər bələdiyyəsinə qarşı davam edən istintaq çərçivəsində həbs edilən bələdiyyə sədri Əkrəm İmamoğlunun həyat yoldaşı Dilək İmamoğlu və atası Həsən İmamoğlunun bağ evlərində axtarış aparıldığını açıqlayıb.

Teleqraf xəbər verir ki, partiya rəhbəri evlərdə iddia olunan dəllillərin tapılmadığını deyib.

“Bodrum və Çanaqqalada Əkrəm bəyin atası və həyat yoldaşının evlərində axtarış aparılıb. Evdən 690 dollar, 10 avro və lisenziyalı silaha aid bir neçə güllə tapılıb. Dünən bir şayiə də yayılmışdı: Dilək İmamoğlu və Həsən İmamoğlu həbs oluna bilər, çünki o evlərdə gizli seyflər, külli miqdarda pul və sursat olacağı düşünülürdü”, - Özəl bildirib.