ABŞ və Rusiya terrorçulara qarşı legitim qüvvələrlə əməkdaşlıq etməlidir.

Axar.az xəbər verir ki, bu sözləri Türkiyə Baş nazirinin müavini Numan Qurtulmuş deyib.

“Türkiyə söz olsun deyə əməliyyatlar keçirmir. Suriya və İraqda aparılan əməliyyatlar ölkə sərhədlərinin qorunması tələbindən irəli gəlib. Sözügedən bölgələr terror qruplaşmalarının cənnətinə çevrilib. ABŞ və Rusiyaya bunu tövsiyə edirik: Suriya və İraqın suverenliyini təmin etmək sülhün ən önəmli ünsürlərindən biridir. Rusiya və ABŞ legitim qüvvələrlə əməkdaşlıq etməlidir. Dostlarımızın Türkiyəyə zərər verən qruplaşmalarla birgə olmasını xoş qarşılamırıq və qəbul etmirik”, - Türkiyə rəsmisi bildirib.