…Azərbaycanın müstəqillik illərində çox siyasilər meydana çıxdı, amma çox da uzun olmayan zaman kəsiyində tariximizdə onların müəmmalı izləri qaldı… Daha doğrusu, meydana müxalifətçi kimi çıxanların bir çoxunun sonradan əks cəbhənin füqurantı olduğu bəlli oldu. Niyə belə olur? Xalq aldanır, yoxsa xalqı aldadırlar? Bu meydanda kimdi günahkar: etibar edib aldanan, yoxsa etibar qazananıb aldadan???

Tamerlan Qarayevin çoxsifətli siyasəti…

Pravdainfo.org-un elektron poçtuna neçə dəfədir Azərbaycan siyasətində müəmmaları ilə “meydan sulayan” Tamerlan Qarayevlə bağlı sual dolu məktublar daxil olur… Bu məktubları iki aydan çoxdur diqqətlə araşdırıb cavab tapmaq istəyirik… Məlum olur ki, hazırda Azərbaycan diplomatiyasının “yuxarı başında” əyləşdirilmiş və hazırkı hakimiyyətin hələki əzizlədiyi Tamerlan Qarayevin vaxtilə məhz Ulu Öndər Heydər Əliyevə qarşı Azərbaycan Parlamentində etdiyi hörmətsizliyi, Türk dünyasının böyük şairi Bəxtiyar Vahabzadənin isə üzünü əsəbi halda Parlamentin vitse-spikeri olan Tamerlan Qarayevə tutaraq “Atan yaşında ağsaqqal adama qarşı bu nə hörmətsizlikdir???” deyə qışqırıb hayqırması kimi suallar cavab gözləyir. Bu şəxs məhz indi Azərbaycanın İndoneziyada (əvvəllər Çində, Hindistanda) səfiri olmuş və olan Qarayevin ziddiyyətli fəaliyyətinə yönəlmiş nidaların daşıyıcısı kimi diqqəti cəlb edir… O, öz işini görüb və görməkdədir. Vaxtilə tramplin kimi istifadə etdiyi cəbhə və məsləkdaşları hələ də müflis və məşəqqətli həyat sürsələr də, Qarayev kifayət qədər kef içindədir, o, hələki öz işini görüb və görməkdədir… “Millət necə tarac…”, “Dostlar necə acyalavac…” olur-olsun, ona nə dəxli? Axı o, övladlarını yerbəyer, maddi durumunu cağbacağ edib… Öz işini görür… Zaman da öz işini gördü, elə zamanla ayaqlaşmağı bacaran Tamerlan Qarayev də. O mənada ki, bu “əbədi və əzəli” diplomatın adına zamanında tanınmış müğənni Nəzakət Məmmədovanın müəmmalı ölümü (bu barədə dəhşətli faktlar az sonra), 1991-ci ilin müəmmalı 20 noyabr vertolyot qəzası, müəmmalı AXC və Müsavat fuksionerliyi… və sair kimi real faktlar bronlanmış kimi ortadadır, hələ də dəqiq və qərəzsiz cavabını gözləyir… Biz də gözləyirik ki, nəhayət, Azərbaycanın Tamerlan Qarayev müəmmasına aydınlıq gətiriləcək… Buyurun, bu da Tamerlan Qarayev barədə rəsmi anket məlumatları: “…Tamerlan Qarayev 1952-ci il yanvarın 30-da anadan olmuşdur. 1973-cü ildə Azərbaycan Dövlət Universitetinin (indiki BDU) hüquq fakültəsini fərqlənmə diplomu ilə bitirmişdir. 1973-1978-ci illərdə Bakı Prokurorluğunda İstintaq şöbəsində prokuror işləmişdir. 1978-1991-ci illərdə BDU-nun Cinayət hüququ kafedrasında müəllim, baş müəllim, dosent, fakültə dekanının müavini olmuşdur. 1991-1993-cü illərdə Azərbaycan Respublikası Ali Soveti sədrinin müavini, birinci müavini vəzifələrində çalışmış, həm də 1992-1993-cü illərdə Milli Məclisin üzvü olub. 1993-cü il sentyabrın 3-də Azərbaycan Respublikası Ali Sovetinin sədri Heydər Əliyev tərəfindən Tamerlan Qarayevə Azərbaycan Respublikasının Fövqəladə və Səlahiyyətli Səfiri dərəcəsi verilib. 1990-cı il 22 yanvar tarixində AXC Məclisinin üzvü və ADU hüquq fakültəsinin dosenti T.Y.Qarayev ictimaiyyət nümayəndəsi kimi 20 Yanvar hadisələrini təhqiq edən Azərbaycan SSR Ali Sovetinin deputat-istintaq komissiyasına üzv seçilmiş və məlum komissiyanın sədr müavini təyin edilmişdir. 1990-cı il 30 aprel – 1 may tarixində Göyçayda baş tutan AXC Məclisinin iclasında AXC Məclisinin ilk daimi sədri seçilib. 1990-1991-ci illərdə AXC Məclisinin sədri olmuşdu. 1990-cı il xalq deputatı seçkilərində Azərbaycan Ali Sovetinə xalq deputatı seçilib. 1991-1992-ci illərdə Ali Sovet sədrinin müavini, 1992-1993-cü illərdə isə Ali Sovet sədrinin I müavini olmuşdur. T.Y.Qarayev 26 noyabr 1991-ci ildə təşkil edilən Azərbaycan Respublikası Ali Sovetinin Milli Şurasının tərkibinə daxil edilmişdir. 1992-ci ildə T.Qarayev AXC-dən çıxmış, öz siyasi partiyasını - “Doğru yol” Partiyası (DYP) yaratmış, 1992-ci ilin prezident seçkilərində AXC sədri Əbülfəz Elçibəyə qarşı öz namizədliyini irəli sürmüşdür. T.Qarayev 1992-ci ildə prezidentliyə 7 namizəddən biri olmuş, amma 1992-ci il iyunun 5-də öz namizədliyini geri götürmüşdür. 1993-2001-ci illərdə Çində, 2004-2011-ci illərdə isə Hindistanda Azərbaycan Respublikasının fövqəladə və səlahiyyətli səfiri işləmişdir. 2011-ci ildən İndoneziyada səfirdir”.


Gördünüzmü, Tamerlan Qarayev AXC-nin ən fəal və rəhbər kadrlarından olub, amma yavan çörəyə möhtac, aqibəti bəllilərin heç quru səsi də çıxmır, amma Qarayevin səsi Azərbaycanın ən bahalı səfirliklərindən, bahalı diplomatiya saraylarından... gəlir! Niyə belədir, nə baş verib və nə baş verməkdədir???
-Bəs necə olmuşdur ki, AXC-nin az qala bütün rəhbərləri siyasi problemlərə, çətinliklərə məruz qaldıqları halda, Tamerlan Qarayev yüksək vəzifələrə irəli çəkilmişdir?
-Tamerlan Qarayevin “Doğru yol” partiyası, sonradan yaratdığı “Qarabağ Evi” niyə iflasa uğradı?
-Çindən səfir kimi geri çağrılan Tamerlan Qarayev neçə illik bekarçılıqdan sonra kimin və nəyin sayəsində Hindistana səfir göndərildi?
-Tamerlan Qarayevin Musavat Partiyasındakı rolu niyə və nə səbəbə “donduruldu” və arxivə verildi?
-“20 noyabr” hadisələrində Tamerlan Qarayev müəmması nədən ibarətdir?
(Davamı var)