ABŞ Prezidenti Donald Tramp qərarlarının əksəriyyətini təkbaşına qəbul edir, çünki onun çevrəsində onun hərəkətlərinə təsir edə biləcək insanlar praktiki olaraq yoxdur.

“The Wall Street Journal” (WSJ) ABŞ administrasiyasının keçmiş və indiki əməkdaşları ilə söhbətlərə əsaslanaraq belə yazıb.

Qəzet qeyd edir ki, Trampın ilk dövründə məmurlar mütəmadi olaraq onun impulslarını cilovlayıb, tariflər və immiqrasiya siyasəti ilə bağlı mühüm qərarların qəbuluna təsir edib, lakin indi Amerika liderinin ətrafında onu razı sala bilən az adam qalıb.
Trampın keçmiş qanunverici köməkçisi Mark Short deyir ki, onun fikrincə, Tramp istədiyi şeyi etməsinə mane ola biləcək çox az şeyin olduğunu başa düşür.
Tarixçi Duqlas Brinkli isə düşünür ki, Tramp bütün ABŞ qurumlarına nəzarət etmək” istəyir:
“O, hamının yaxasından tutub “məsul şəxs mənəm” demək istəyir”.
Trampı fikrindən daşındırmaq üçün göstərilən uğursuz cəhdlərə misal olaraq WSJ Ağ Evdə bal zalının tikintisi ilə bağlı elanı qeyd edir.
“Amerika liderinin köməkçiləri ona izah ediblər ki, bu, Ağ Evin Şərq Qanadının bir hissəsinin sökülməsini tələb edəcək və tikinti işləri rəsmilərə mane olacaq. Tramp buna cavab olaraq bal zalını onsuz da tikəcəyini deyib və inşaatçılarla müqavilə imzalayıb”, - qəzet yazır.