Rusiya Liviyanın şərqində fəaliyyət göstərən feldmarşal Xəlifə Həftərin rəhbərlik etdiyi qüvvələrə hərbi yardım göstərib. Ordu.az “Reuters” agentliyinə istinadən xəbər verir ki, bu barədə BMT-nin Liviyaya tətbiq olunan embarqo ilə bağlı ictimaiyyətə açıqlanmayan hesabatında qeyd olunub.

Hesabatda bildirilir ki, iyulun 31-nə kimi son 9 ayda Suriyadan Liviyanın şərqinə 338 dəfə hərbi yük təyyarəsi gəlib.

Təyyarələr Həftər qüvvələri tərəfindən döyüşən “Vaqner” qruplaşmasına dəstək məqsədilə göndərilib.

Hesabatda BƏƏ, İordaniya kimi dövlətlərin də embarqonu pozduğu qeyd olunur.

Rusiya Prezidenti Vladimir Putin yanvar ayında bildirib ki, Liviyada ruslar varsa, onun hökumətini təmsil etmir və ya onlara maaş vermir.