Koreya Xalq Demokratik Respublikasının ordusu hazır vəziyyətə gətirilib.

Hafta.az xarici mediaya istinadən xəbər verir ki, bununla bağlı Şimali Koreya lideri Kim Çen In əmr verib. Artilleriya qoşunlarının genişmiqyaslı təlimi çərçivəsində çıxışı zamanı In orduya "Əmr verilən kimi Seula zərbə endirməyə hazır olun!" çağırışını edib. Bununla bağlı Şimali Koreya mərkəzi teleqraf agentliyi məlumat yayıb. Kim Çen In qısa müddətdə Koreyanı birləşdirəcəyini deyib:

"Şimali Koreya amansızcasına Cənubi Koreya dövlət qurumlarını məhv etməklə, ölkəni birləşdirəcək. Ordumuz yüksək döyüş ruhu və sayıqlıq nümayiş etdirməlidir".

Qeyd edək ki, son vaxtlar KXDR nüvə silahlarını sınaqdan keçirməklə dünya ölkələrinin etirazı ilə qarşılaşmışdı.