Gecə yarısı Ermənistanın Lori vilayətinin Quqark kəndində partlayış baş verib

Hadisə nəticəsində yaralanan 19 yaşlı V.Mikiçyan Vanadzor şəhərindəki tibb mərkəzinə çatdırılıb. Onun vəziyyəti çox ağır olduğu üçün İrəvana aparılıb.

Hadisə yerində hüquq mühafizə orqanlarının əməkdaşları araşdırmalara başlayıb. İlkin versiyaya görə, hadisə zirzəmidə baş verib. Hadisə yerindən güllə gilizləri tapılıb.
Apreldəki hərbi zərbələrdən sonra özünün ağır günlərini yaşayan Ermənistanda heç zaman olmadığı kimi gərgin və aqressiv mühit hökm sürməkdədir.

Mayın 5-də isə İrəvanda kafelərin birində “Alfa Delta” mühafizə agentliyinin əməkdaşı Qarik Aleksanyan möhkəm əzişdirilib. Hadisə vaxtı Aleksanyan kafedə işdəymiş. O, avtomobilə əyləşmək istəyəndə naməlum şəxslər ona hücum edib döyməyə başlayıb. Q.Aleksanyan özü istintaqa deyib ki, Vladimir Vartanov adlı şəxs dostları ilə birlikdə hücum edib onu döyüb.