Rusiya hərbi rəhbərliyi əcnəbiləri Ukraynaya qarşı müharibəyə cəlb etmək üçün yeni üsul tapıb. Onlara avtomatik vətəndaşlıq almaq təklif edilir.

Bu barədə Ukrayna Silahlı Qüvvələrinin Baş Qərargahı məlumat yayıb.

“Rusiya ərazisində Rusiya Federasiyasının vətəndaşlığını almaq üçün növbədə olan xarici vətəndaşlar könüllü olaraq ordu sıralarına çağırılmağa və avtomatik olaraq Rusiya vətəndaşlığını almağa dəvət olunur”, - Baş Qərargahdan bildirilib.

Həm də Moskvada hərbçilərə maddi dəstək vermək üçün kommersiya strukturlarına təzyiq göstərməyə başlayıblar. Onlardan silahlı qüvvələrə 10 milyon rubl məbləğində pul köçürmələri tələb edilir.(Mənbə: rbc.ua)