Nigeriyada difteriya epidemiyası qeydə alınıb.

Bu barədə cümə günü Nigeriya Xəstəliklərə Nəzarət və Qarşısının Alınması Mərkəzinin baş direktoru İfedayo Adetifa məlumat verib.

“Biz Laqos, Kano, Osun və Yobe ştatlarında difteriya halları ilə bağlı məlumat əldə etmişik”, - deyə o, bildirib. Lakin Adetifa virusa yoluxanların sayını açıqlamayıb.

Öz növbəsində, Kano əyalətinin səhiyyə departamentinin rəhbəri Aminu Canyava 25 nəfərin öldüyünü və daha 70 nəfərin yoluxduğunu bildirib.

Hakimiyyət orqanları difteriyanın daha da yayılmasının qarşısını almaq üçün tədbirlər görür. Onların arasında uşaqların təcili vaksinasiyası da var.

Qeyd edək ki, difteriya müəyyən bir bakteriya tərəfindən törədilən yoluxucu xəstəlikdir. Ağırlaşdırıcı hallarda, difteriya bir insanın tənəffüs yollarının tıxanmasına səbəb olur.

Mənbə: TASS