Ukraynada V və Z simvolları olan avtomobil nömrələri qadağan edildi

30-04-2023, 11:54           
Ukraynada V və Z simvolları olan avtomobil nömrələri qadağan edildi
Ukrayna hökuməti Rusiyanın genişmiqyaslı işğalı ilə bağlı simvollara malik olan xüsusi avtomobil nömrələrinin sifarişini və istehsalını qadağan edib.

Bu barədə Ukrayna Daxili İşlər Nazirliyinin Baş Xidmət Mərkəzindən məlumat verilib.

“İndi qanuna uyğun olaraq, fərdi nömrə nişanında Rusiyanın Ukrayna ərazisinə hərbi müdaxiləsinin simvolizə edən Z və V hərfləri qadağandır. Bu hərflərin ayrı-ayrılıqda, eləcə də “C”, “B”, “F” əvəzinə kiril əlifbası ilə yazılan sözlərdə işlədilməsinə icazə verilmir”, - deyə mərkəzdən izah edilib.

Qərara əsasən, qadağa kommunist totalitar rejiminin, nasional-sosialist totalitar rejimin simvolu olan yazı və təsvirlərə də şamil edilir. Vurğulanır ki, Ukrayna nömrələrində Rusiyanın dövlətin orqanlarının və silahlı qüvvələrinin rəmzləri və emblemləri ola bilməz.


Eyni zamanda, avtomobil nömrələrində “KUZVAS”, “ZAPOBEDU”, “ZAPRAVDU” kimi yazılar qadağan edildiyi halda “VICTORY”, “ZORRO”, “PİZZA” kimi yazılara icazə verilib.

Mənbə: parlament.ua












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru