Montana ştatı ABŞ-də TikTok-u “təhlükəsizlik narahatlığı” səbəbi ilə qadağan edən ilk ştat olub.

Bizim.Media xarici KİV-ə istinadən xəbər verir ki, bununla bağlı ştatın qubernatoru Qreg Gianforte TikTok-u qadağan edən qanun layihəsini imzalayıb.

Layihəyə səbəb ştat sakinlərinin şəxsi məlumatlarının açıqlanmasının qarşısını almaq olub.

Belə ki, 2024-cü il yanvarın 1-dən qüvvəyə minəcək yeni dövlət qanununun pozulması halında TikTok tətbiqini təklif edən “Google Play Store” və “App Store” kimi platformalar gündə 10 min dollara qədər cərimə ödəməli olacaq.