Rusiya rublunun sürətlə dəyərsizləşməsi ölkənin Mərkəzi Bankını hərəkətə keçməyə vadar edib. Belə ki, Bank İdarə Heyəti avqustun 15-nə uçot dərəcəsinə baxılması üçün növbədənkənar iclas təyin edib.

Tribunainfo.az Rusiya Mərkəzi Bankına istinadən xəbər verir ki, bankın direktorlar şurası səhər saatlarında görüşərək uçot dərəcəsinə dair yeni qərar qəbul edəcək.

Maraqlıdır ki, bu gün səhər saatlarında Moskva valyuta birjasında 1 dollar 101 rubl, 1 avro 110 rublu keçdiyi zaman Rusiya Mərkəzi Bankı bu dəyərsizləşmənin iqtisadiyyat üçün təhlükə yaratmadığına dair məlumatla çıxış etmişdi.