Sankt-Peterburqun 200 kilometrliyində İsveçə məxsus kəşfiyyat təyyarəsi müşahidə edilib.

Publika.az "MK.ru"ya istinadən xəbər verir ki, İsveç Hərbi Hava Qüvvələrinə məxsus təyyarə səhər saatlarında Finlandiyanın Rusiya Federasiyası ilə sərhədi yaxınlığında - Sankt-Peterburqdan cəmi 200 km aralıda dövrə vurub.

Məlumata görə, İsveç Hərbi Hava Qüvvələrinə məxsus “Gulfstream IV” kəşfiyyat təyyarəsi avqustun 22-də Linçepinq aviabazasından havaya qalxaraq Lappeenranta regionunda (Finlandiya) bir neçə saat dövrə vurub. Sonra o, şimala - Rusiya ilə sərhəddə yerləşən Şimal burnuna doğru istiqamətlənib.

Mütəxəssislər bildirirlər ki, hazırda İsveçdə bu ölkənin silahlı qüvvələrinin elektron kəşfiyyat üçün istifadə etdiyi iki oxşar təyyarə var.