Barselonada baş verən terrordan sonra rəsmilər bölgədə metro və digər ictimai nəqliyyatın boşaldılaraq bağlanmasını istəyiblər. Təcili yardım briqadaları, polis və xilasedicilərin eyni vaxtda hadisə yerinə axını isə bölgədə sıxlığın artmasına gətirib çıxarıb.

Sakinlər və turistlər terror baş verən ərazidən bir an öncə uzaqlaşmaq üçün təlaşa düşüblər. Bu vaxt pəncərəsinə “TAXİ S.O.S.” yazılmış taksilər insanların köməyinə çatıb. “TAXİ S.O.S.” yazılı taksilər yerli sakinləri və turistləri mənzil baına pulsuz daşıyıblar.

Qeyd edək ki, İspaniyanın Barselona şəhərində terrorçular mikroavtobusu izdihamın üzərinə sürüb. Nəticədə 13 nəfər ölüb, 100 nəfər yaralanıb.

Musavat.com

Saldırı sonrası taksiciler seferber oldu