Avstriya uşaq bağçalarında hicabı qadağan etməyə hazırlaşır

1-04-2018, 20:25           
Avstriya uşaq bağçalarında hicabı qadağan etməyə hazırlaşır


Avstriya baş nazirinin müavini, dövlət xidməti və idman məsələləri üzrə nazir Xaynts-Kristian Ştrax ölkədə uşaq bağçalarında və ibtidai təhsil pilləsində hicabın qadağan edilməsini təklif edib.

APA-nın məlumatına görə, Xaynts-Kristian Ştrax "Kronen Zeitung" qəzetinə müsahibəsində deyib ki, bu addım qızların 10 yaşa qədər həyatlarında dövlətin müdafiəsini hiss etməsinə, cəmiyyətə normal inteqrasiyasına imkan verəcək.

Baş nazirin müavini hesab edir ki, ibtidai təhsil mərhələsində hicaba qadağa qoyulması və ibtidai təhsil mərhələsində alman dilinin öyrənilməsi Avstriya cəmiyyətinə inteqrasiyanın əlavə qarantı olacaq. Xaynts-Kristian Ştrax hicabın uşaqlar arasında parçalanmaya yol açır və inteqrasiyaya mane olur: "Bu isə hazırda müxtəlif təşkilat və birliklərdə təhlükəli paralel cəmiyyətlər yaradan siyasi islamın maraqlarına xidmət edir. Qabaqlayıcı tədbirləri ən gənc nəsildən başlamaq laxımdır, sonra çox gec olur".

Qeyd edək ki, 1 oktyabr 2017-ci ildə Avstriyada ictimai yerlərdə hicaba qadağa qoyulub. Bu qadağanı pozanlar 150 avro cərimələnir. Hicabı çıxarmaqdan imtina edənlər isə saxlanılır və polis şöbəsində ifadələri alınır.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru