Ermənistanda çağırışçıların xidmətdən azad edilməsi üçün külli miqdarda rüşvət alınması faktının üstü açılıb. Bir neçə nəfər saxlanılıb.

AzVision.az xəbər verir ki, bu barədə məlumatı Ermənistan Baş Prokurorluğun mətbuat xidməti yayıb.
İstintaq zamanı müəyyən edilib ki, Milli Təhlükəsizlik Xidmətinin sabiq əməkdaşı çağırışçının atasından əsgərlikdən möhlət almaq və xidmədən azad edilməsi üçün 15 000 dollar alıb. Nəticədə iki nəfər A.A və Ş.Q adlı şəxslər həbs edilib.

Eyni zamanda “N” saylı hərbi komissarlığın rəisi çağırışçının atasından 19 min dollar alıb. İşdə həm də bir neçə oxşar epizod mövcuddur. Komissarlığın rəisi tutulub və faktla bağlı saxlanılan digər şəxs isə başqa yerə getməmək haqqında iltizam altında buraxılıb.