Rusiya mümkün sanksiyalara hazırlıq məqsədilə kifayət qədər qızıl alıb və bunu davam etdirir.

Cebhe.info xəbər verir ki, bu barədə “Bloomerg” məlumat yayıb. Beynəlxalq Valyuta Fondundan əldə edilən bilgiyə görə, avqust ayı ərzində Rusiya Mərkəzi Bankı 26,1 ton qiymətli metal alıb. Beləliklə, ölkənin qızıl ehtiyatı 2170 tona yüksəlib.

Nəşrin qeyd etdiyi kimi, qızıl hüquqi və siyasi risklərdən 100 faizli zəmanət hesab edilir. Bu ilin may ayında yayılan rəqəmlərə görə, Rusiya qızıl ehtiyatına görə Çini də üstələyib və 5-ci yerdə qərar tutub. Son1 0 ildə bu ölkənin qızıl ehtiyatı 1000 ton artıb. Bunun 850 tonu son 4 ildə əldə edilib.