İranın neft naziri Bijan Namdar Zanqane bildirib ki, OPEC-in bəzi üzvləri təşkilatın neft hasilatının həcmi ilə bağlı olan son qərarlarını təhrif edərək, öz hərəkətlərini Vaşinqton ilə əlaqələndirirlər.

“Report” TASS-a istinadən xəbər verir ki, bu barədə İranın "Khaneye Mellat" agentliyi məlumat yayıb.

"Bəzi iştirakçılar OPEC-in neft hasilatı ilə bağlı son qərarlarını özünəməxsus şəkildə şərh edirlər….və ABŞ-ın maraqları çərçivəsində hərəkət edirlər", - deyə agentlik Zanqanenin sözlərini sitat gətirib.

O əlavə edib ki, "bu problemi müzakirə etmək üçün OPEC-in iclasını çağırmaq lazımdır".