Region. NTV telekanalının jurnalisti Nikita Razvozjayev bu gün səhər saatlarında Moskvada ölü tapılıb.

XəzərİnfoTV Oxu.Az-a istinadən xəbər verir, bu barədə elekanalın mətbuat xidmətindən bildirilib.

“Çox kədərli hadisə olub. Həmkarımız Nikita Razvozjayev özünəqəsd edib. Biz Nikitanın yaxınlarına başsağılığı veririk. Bu ailənin faciəsidir”, - deyə məlumatda qeyd edilib.

1993-cü il iyulun 22-də Saratovda doğulan Nikita Razvozjayev Saratov Dövlət Universitetinin Jurnalistika İnstitutunu bitirib.

2017-ci ilin avqustunda canlı efirdə sərxoş kişi Razvozjayevə hücum edib. Daha sonra isə o, jurnalistə kompensasiya verməyə və üzr istəməyə hazır olduğunu bildirib. Tərəflər məhkəmədə barışıblar.