Rusiyanın paytaxtı Moskvanın cənubunda iki naməlum şəxs yaşayış binasının liftində qadının qarşısını kəsib.

Open.az rus mətbuatına istinadən xəbər verir ki, hadisə ötən gün axşam saatlarında Znamenskiye Sadky küçəsində baş verib.

İlkin məlumatlara görə, cinayətkarlar qadından pul tələb ediblər. Lakin qadın qışqırmağa və qonşuları köməyə çağırmağa başlayıb.

Bunu görən şəxslər qadının döş və qarın nahiyəsinə bir neçə bıçaq zərbəsi vurublar. Hadisədən sonra isə qaçıb gizləniblər.

Faktla bağlı araşdırma aparılır.

Bəzi məlumatlara görə, hüquq-mühafizə orqanının əməkdaşları 27 yaşlı Azərbaycan vətəndaşı Rövşən Ş. barədə axtarış elan ediblər.