Xızıda avtobusun aşması nəticəsində xəsarət alan şəxslərin müalicəsi davam edir. Səhiyyə Nazirliyinin mətbuat xidmətinin əməkdaşı Səfayə Əhmədova Modern.az-a açıqlamasında bildirib ki, qəza nəticəsində yaralanan şəxslərdən 15-i Sumqayıt Şəhər Travmatologiya Xəstəxanasında müalicəni davam etdirir.

“Onlardan 1-nin vəziyyətinin ağır, 14-nün vəziyyəti isə orta ağırdır. 1 saylı Şəhər Klinik Xəstəxanasına yerləşdirilən 2 xəstənin vəziyyəti isə yaxşlığa doğru gedir”.

Mayın 29-da Xızı rayonu ərazisində ölümlə nəticələnən ağır yol qəzası baş verib. Yarımca kəndindən gələn mikroavtobus Qızıl Qazma kəndində 100 metrdən dərəyə yuvarlanıb. Nəticədə 3 nəfər ölüb, 24 nəfər yaralanıb.