İsrail Müdafiə Qüvvələri Qəzza zolağının şimalında, Erez sərhəd-keçid məntəqəsi yaxınlığında HƏMAS qruplaşmasının ən böyük tunelini tapdığını açıqlayıb.

Bu barədə İsrail KİV-ləri məlumat yayıb.

Tunelinin uzunluğunun təxminən 4 kilometr olduğu bildirilir. İsrail ordusu tunelin bəzi ərazilərdə yerin 50 metrə qədər dərinliyinə endiyini, hətta avtomobillərin keçə biləcəyi qədər geniş olduğunu deyib.

Məlunata görə, ordu son bir neçə həftə ərzində Yahalo Mühəndislər Korpusunun elit bölməsi və Qəzza Diviziyasının Şimal Briqadası “strateji” tunel şəbəkəsinin yerini müəyyən etmək, onu skan etmək və potensial təhlükələrdən təmizləmək üçün “qabaqcıl kəşfiyyat və texnoloji vasitələrdən” istifadə edib.