Rusiyad COVID-19 peyvəndi istehsal edən şirkətin rəhbəri 19 milyon rubl rüşvət almaqda şübhəli bilinərək həbs edilib.
Rus mətbuatı xəbər verir ki, Zamoskvoretsky məhkəməsi "Konvasel" COVID-19 peyvəndlərinin istehsal edildiyi "Sankt-Peterburq Elmi-Tədqiqat Peyvəndlər və Serumlar İnstitutu və Bakteriya preparatları istehsalı müəssisəsi"nin rəhbəri Yevgeni Makovskini həbs edib.
Məhkəmə şübhəlinin 2024-cü il fevralın 20-dək həbsinə qərar verib. Bildirilir ki, iş üzrə tədqiqat institutunun rəhbərinin şəriki İqor Rudıx da həbs edilib. O da xüsusilə külli miqdarda rüşvətxorluqda ittiham olunub.