Yaponiyada Okinava prefekturasının Qinovan şəhər məktəbinin ibtidai sinif şagirdi pəncərə şüşəsinin onun üzərinə düşməsi nəticəsində xəsarət alıb.
“Report” NHK telekanalına istinadən xəbər verir ki, ehtimala görə, şüşə yaxınlıqdan "SH-53" tipli Amerika hərbi vertolyotunun keçməsi nəticəsində titrəyişdən yerə düşüb.
Sahəsi təqribən 1 metr olan şüşə 30 şagirdin və bir neçə müəllimin bədən tərbiyəsi ilə məşğul olduğu idman meydançasına düşüb. Uşaq sol qolundan xəsarət alıb.
Hazırda polis hadisənin səbəblərini araşdırır.