Ankaranın Qızılay səmtində baş verən dəhşətli partlayış Türkiyə ictimaiyyətini yasa boğdu.

Musavat.com xəbər verir ki, "Fənərbaxça" - "Kayserispor" oyununu izləmək üçün Ülkər Arenaya axın edən azarkeşlər partlayışı mobil telefonları vasitəsi ilə öyrəniblər.

Məlumata görə, çox sayda azarkeş hadisə ilə bağlı məlumat almağa çalışarkən stadionda: “Şəhidlər ölməz, vətən bölünməz” şüarı yüksəlməyə başlayıb.

Matçın sonuna yaxın bütün tərəfdarlar “Qəlbimiz qapqara, səninləyik Ankara”, “Nə mutlu Türküm deyənə”, “Vətən sənə canım fəda” deyə qışqırıblar.

Xəbər verilir ki, bu şüarlar dəqiqələrlə davam edib. Fənərbaxçanın 53-cü dəqiqədə vurduğu qolun anonsu isə edilməyib.