ABŞ Rusiya təyyarələrinin Suriyada xəstəxananı bombardman etdiyini təsdiqləyə bilməz.

Axar.az "Röyter"ə istinadən xəbər verir ki, bu açıqlama ilə Ağ Evin sözçüsü Coş Ernest çıxış edib.

“Bəli, biz bunu gördük, amma ABŞ-ın bu iddianı təsdiqləmək üçün kifayət qədər sübutu yoxdur”, – deyə Ernest bildirib.

Diplomatın sözlərinə görə, hazırda ABŞ günahkarları üzə çıxarmaq üçün araşdırmalar aparır: “Müqəssir kimdirsə, tapan kimi cəzalandırılacaq”.

Xatırladaq ki, çərşənbə axşamı BMT Suriyanın İdlib vilayətindəki xəstəxananın bombardman edilməsi nəticəsində 28 nəfərin həlak olduğunu açıqlayıb.