Yəmənin "Ənsar Allah" husi hərəkatının üsyançıları ABŞ-nin esminesinə və iki ticarət gəmisinə - "Captian Paris" və "Happy Condor"a hücum ediblər.

Bunu radikal təşkilatın hərbi nümayəndəsi Yəhya Saria deyib.

Onun sözlərinə görə, esmines Qırmızı dənizdə ballistik raketlərlə hücuma məruz qalıb. Saria iddia edib ki, husilər Qırmızı dənizdə "Captian Paris" neft tankerinə gəmi əleyhinə raketlərlə hücum ediblər, Ərəbistan dənizində isə maye qazı daşıyan "Happy Condor" tankerinə pilotsuz təyyarələrlə zərbələr endirilib.

O, ticarət gəmilərinə hücumun Fələstinin limanlarına keçid qadağasının pozulması ilə bağlı olduğunu vurğulayıb.

"Hər üç əməliyyat uğurla nəticələnib", - deyə üsyançıların nümayəndəsi əlavə edib.

Mənbə: Al Masirah