Bakının Səbayel rayonu ərazisində, Badamdar qəsəbəsində 17 milyon manata villa satışa çıxarılıb. Azmarka.az-ın məlumatına görə bu barədə əmlak satışı ilə məşğul olan saytların birində elan verilib.

1500 m² sahəsi olan dəbdəbəli mülk 25 sot torpaq sahəsində yerləşir.

14 otaqdan ibarət villanı ipoteka yolu ilə də almaq mümkündür.

Elanda qeyd olunub ki, şəhərin ən prestijli və ekoloji cəhətdən təmiz ərazilərindən biri sayılan Badamdarda fərdi arxitektur layihə əsasında inşa edilən, estetik cəhətdən cəlbedici bu möhtəşəm villa "problemsiz və qayğısız 4 fəsil həyatı" arzusunu reallığa çevirir.