“Ukraynadakı “Starlink” istifadəçiləri sistemi "yalnız lazım olduqda" işə salsınlar”.

Bizim.Media xəbər verir ki, bu barədə “SpaceX” və “Tesla”nın sahibi İlon Mask “Twitter”də məlumat paylaşıb.

“”Starlink” Ukraynanın bəzi bölgələrində hələ də işləyən yeganə qeyri-rus rabitə sistemidir, ona görə də hədəfə alınma ehtimalı yüksəkdir" – deyə Mask qeyd edib.

O, istifadəçilərə anteni insanlardan mümkün qədər uzaqda yerləşdirməyi və aşkarlanmamaq üçün cihazı “yüngül kamuflyajla” örtməyi tövsiyə edib.