Polşa prokurorluğu ölkə ərazisində daimi yaşayan Rusiya vətəndaşının casusluq ittihamı ilə həbs edildiyini açıqlayıb. Bu barədə idarənin rəsmi saytında məlumat verilib.

Hərbi jandarm rusiyalını Qdansk Rayon Prokurorluğunun Hərbi İşlər üzrə İdarəsi tərəfindən aparılan araşdırma çərçivəsində saxlayıb.

“Hərbi Əks-Kəşfiyyat Xidmətinin əldə etdiyi məlumatlar göstərir ki, o, Rusiya Federasiyası kəşfiyyatının maraqları naminə casusluq fəaliyyəti ilə məşğul olub”, – deyə məlumatda qeyd olunur.

Həmçinin saxlanılan şəxsin “hərbi hissələr, onların təchizatı və qrafikləri haqqında məlumatlar” topladığı da bildirilir.

Prokurorun tələbi ilə məhkəmə rusiyalını üç ay müddətinə müvəqqəti həbs edib. O, 10 il müddətinə azadlıqdan məhrum edilə bilər.

Mənbə: Lenta.ru