Deyir, "həyatını gözəl yaşa, istənilən neqativliyi və pis əməlləri özünə yaxın buraxma ki, gecə ulduzlara ehtiyac olmasın".

Amma, deyəsən bizim ölkədə gecənin ulduzunu bəzi əyləncə mərkəzləri işlədənlər çoxdan söndürüb.

Axı niyə günü-gündən inkişaf edən Azərbaycanda, xüsusən də paytaxt bakıda gənclərin əylənməsi üçün normal əyləncə məkanları olmasın?! Yaxud da niyə Bakının mərkəzində faliyyət göstərən bəzi dırnaqarası "əyləncə məkənları" yerli gənclər üçün normal fəaliyyət göstərməyib, süni qiymət artımı edərək, öz qapılarnı gənclərin üzünə bağlayıb, xarici turistlərin, xüsusəndə ərəblərin üzünə bəh-bəhlə açsın?!

Bu cür məkanları işlədən sahibkarları bu cür addım atmağa vadar edən nədir? Təbii ki, maliyyə, pul- para və daha nələr…

Belə bir deyim var, "niyə gecələrin əlləri həmişə soyuq, üzü solğun, səsi qısıq olur?" Təbii ki bu suallara alimlər və dünyanın bir çox filosofları illərlə cavab axtarsalar da tapa bilməyiblər


Bakının düz mərkəzində, "Tarqovu" deyilən ərazidə yerləşən, "Mərdanov Qardaşları" küçəsində fəaliyyət göstərən "HİSS KULUB"da yuxarda sadaladığmız bütün suallara cavab tapıblar.

Ərəblər demiş, "indi keçək sözün mətləbinə, qiymətni de!"

Məlumatlı mənbə “Azərbaycan Reallığı”na xəbər verir ki, Bu kulub bir neçə ay bundan öncə partlayışı ilə gündəmə gələn “Location” kulubdan heç də nəticə çıxarmır. Bəlkə də adiyyatı üzrə "HİSS KULUB"da yoxlamalar aparılsa, “Location” kulubdaki kimi, orada da bir çox qanun pozuntularına rast gəlmək olar.

Mənbə İdda edir ki,bu kulub digər kulublardan fərqli olaraq, Azərbaycan gəncliyinin üzünə daha çox qapanıb, Çünki burada girib əylənmək istəyən gənclərə içklər üçün elə bir qiymət deyilir ki, məcbursan oturmayasan. Səbəbi isə odur ki, bir neçə nəfər ölkə gəncinin oturub yer tutmağındansa, bir ərəb zəngininin oturub hesab verməsi kulub rəhbərliyi üçün daha faydaldır. Yəni, pula görə öz gəncliymiz dolayısıyla öz ölkəmizdə aşağılanır. Çünki, kulubun ətrafı gecə saat 00:00-dan sonra səhərə qədər ərəb səhralarına bənzəyir. Kulubun ətraf küçələrində hansı "sort"da desən ərəb tapmaq heçdə çətin iş deyil.

Mənbə saytmıza daha bir qaranlıq məqamı açıqlayıb. O, qeyd edir ki, bu məkana gələn xanımların çoxu azyaşlıdır. Onlar içəri keçərkən, nəzarətçilər tərəfindən sənədləri yoxlanılmır. Bu məkanda ümumiyyətlə pandemiya əlehinə olan vaksin sənədlərinə də baxılmır. Qiymətlərə isə yalnız baxmaqla kifayətlənirsən. Hər şeyin qiymətini elə "kəllə-çarx"a çıxarıblar ki, bir neçə içkinin bazar qiyməti 10-15 manat olduğu halda, burada 200 manata yaxın pul ödəməli olursan. Hesabı ödədikdən sonra çek verilmir. Kassa aparatına rast gəlmək olmur. Kulub rəhbərliyi "gecə qara- cücə qara" deyərək, vergidən də belə yayınır.

“Azərbaycan Reallığı”na göndərilən yazı ilə bağlı media qanunlarına uyğun olaraq, "HİSS KULUB"un (050)9994500 nömrəsi ilə əlaqə saxlamağa çalışsaq da operatordan bu nömrəyə zəng çatmır cavabın aldıq. Bunlara baxmayaraq, qeyd edilən itthamlara cavab olaraq, sözü gedən "HİSS KULUB"un da cavab hüququnu tanıyırıq.

Biz yazdıq. Qaldı məsələyə aidiyyatı qurumların münasibəti.
Ölkəmiz hüquqi dövlətdir. Demək olar ki, ölkədə hər gün qeyri-qanuni faliyyət göstərən iş adamlarının, məmurların cəzalandırılmasını, hətta həbslərini görürük.

Sonda söz və qərar yenə adiyyatı qurumlarındır!
Teref.az olaraq məqalədə qaldırılan iddialarla bağlı qarşı tərəfin mövqeyini dərc etməyə hazırıq!
Teref.az