Hadrut bölgəsinə aid olan iki kənddə də Rusiya sülhməramlıları xidmətə başlayıb.

REPORTYOR.AZ xəbər verir ki, bu barədə məlumatı Rusiyanın Müdafiə Nazirliyi yayıb.Rusiya sülhməramlılarının xidmət apardığı ərazilərin yeni xəritəsi açıqlanıb. Qeyd olunan xəritədə Çaylaqqala (red-ermənilər bu kəndə Xçaberd deyir), və Köhnə Tağlar (ermənilər bu kəndə Xin Taxer deyir) kəndləri də var.

Qeyd edək ki, bu kəndlər müqavilə bağlandıqdan sonra Ermənistanın nəzarətində qalmışdı. Bir neçə gün əvvəl ermənilər həmin ərazilərdən Azərbaycan hərbçilərinə hücumlar edib. Nəticədə Azərbaycan tərəfi antiterror əməliyyatlarına start verib. Əməliyyat zamanı bir neçə erməni terrorçusu saxlanılıb.