ABŞ Dövlət Departamentinin sözçüsü Ned Prays növbəti dəfə həbsdə olan ictimai fəal Bəxtiyar Hacıyevlə bağlı narahatlığını dilə gətirib.

TEREF.AZ xəbər verir ki, rəsmi məsələ ilə əlaqədar ABŞ-ın narahatlığının Azərbaycan tərəfinə açıq və fərdi qaydada çatdırıldığını vurğulayıb.

"Turan"-ın Vaşinqton müxbirinin sualına cavabında Prays deyib:

"Bütün dünyada biz universal hüquqların tərəfdarıyıq – fikrin ifadə olunması azadlığı hüququ universal hüquqdur. O, ancaq müəyyən ölkələrdəki adamlara şamil edilmir. Bu, bütün dünyada adamlara tətbiq olunan hüquq və prinsipdir. Hər dəfə universal hüququn sistematik olaraq və ya konkret hallarda təhlükə altında olduğunu gördükdə, tərəddüd etmədən bu narahatlıqla bağlı məsələ qaldırırıq".