Heç bir ABŞ administrasiyası Yaxın Şərqdə yekun nizamlanmada maraqlı olmayıb.

Axar.az xəbər verir ki, bunu Rusiya Təhlükəsizlik Şurasının sədr müavini Dmitri Medvedyev deyib.

D.Medvedyev qeyd edib ki, qeyri-sabit, hər an partlamağa hazır olan region ABŞ üçün çox faydalı olub, bu, ona nüfuz və çoxlu pul gətirir:

"Ən mühüm sülh təşəbbüsləri və əldə edilmiş uğurlara son qoyulmalı idi ki, bu da Vaşinqtonun siyasətinə tamamilə uyğundur. Axı heç bir ABŞ administrasiyası Yaxın Şərqdə yekun nizamlanmada və tarixi Fələstinin ərəb və yəhudi dövlətlərinə bölünməsi ilə bağlı BMT Baş Assambleyasının 29 noyabr 1947-ci il tarixli qətnaməsinin icrasında heç vaxt maraqlı olmayıb".

Medvedyevin sözlərinə görə, söhbət təkcə İsrailin Fələstin dövlətinin yaradılması ilə bağlı mövqeyindən getmir:

"Məsələ ondadır ki, hər şeydən əvvəl, müxtəlif silahlarla dolu qeyri-sabit, partlayıcı bir bölgə ABŞ üçün çox faydalı olub. Əgər problem olarsa, amerikalıların xidmətinə ehtiyac var. Onlarsız heç yerə gedə bilməzsən".