Birləşmiş Ştatlar Qrenlandiyanı ABŞ-yə qoşulmağın faydalarına inandırmaq üçün piar kampaniyasına başlamaq niyyətindədir.
Bakupost.az xəbər verir ki, bu barədə New York Times öz mənbələrinə istinadən məlumat yayıb.
“Planın təfərrüatları qeyri-müəyyən olaraq qalır, lakin... müzakirələr zamanı heç vaxt güc variantları ciddi şəkildə nəzərdən keçirilməyib”, - xəbərdə deyilir.
Qeyd edilir ki, “bunun əvəzində inandırma və PR-a diqqət yetirilir”. Qəzet həmçinin yazır ki, PR kampaniyasının elementlərindən biri Qrenlandiyanın yerli inuit əhalisinin Alyaskadakı inuitlərlə qohumluğunun vurğulanması ola bilər.
Aprelin 10-da Reuters xəbər verib ki, Birləşmiş Ştatlar Qrenlandiyada iqtisadiyyatın minimal hökumət tənzimlənməsi ilə yüksək texnologiyalı “azad şəhər” tikmək ideyasını nəzərdən keçirir ki, bu da regionun ABŞ-a birləşdirilməsi ilə bağlı mümkün razılaşmanın bir hissəsi ola bilər.